پکتیا کې ۹ کلنه دښمني او جوزجان کې ۵ کلنه کورنۍ بدي هواره شوه
دوشنبه ٥ جمادیالآخرة ۱۴۴۸
د پکتیا ولایت د سرحدونو، قومونو او قبایلو چارو ریاست مسؤلینو د قومي مشرانو په منځګړیتوب او پرله پسې هڅو په پایله کې د یاد ولایت په احمداباد ولسوالۍ کې هغه نهه کلنه دښمني هواره کړه، چې په ترڅ کې یې درې تنه وژل شوي او یو بل تن ټپي شوی و.
یادې دښمنۍ نه یوازې مرګژوبله اړولې وه بلکې د دواړو لوريو ترمنځ یې لوی اختلافات او ستونزې هم رامنځته کړې وې خو د مسؤلینو د دوامدارو هڅو په نتيجه کې دواړه لوري سولې ته راضي شول او د خیر په فيصلې سره یې خپلمنځي دښمني پای ته ورسېده.
بلخوا د جوزجان ولایت د سرحدونو، قومونو او قبایلو چارو ریاست د استازو په منځګړیتوب هغه پنځه کلنه کورنۍ بدي هم هواره شوه، چې له امله یې د دواړو کورنیو ترمنځ ګڼ اختلافات او تربګنۍ موجودې وې.
د دغه بدۍ د له هواري وروسته ښکېلو خواوو د یو بل پر وړاندې له دښمنۍ او ستونزو جوړولو لاس واخیست او نوی د خوښي ژوند يې پيل کړ.
