په ارزګان ولایت کې د دوو کورنیو ترمنځ د ځمکې پر سر رامنځته شوې دښمني پای ته ورسېده
یکشنبه ۱۳ جمادی الاول ۱۴۴۸
د ارزګان ولایت په مرکز کې د دوو کورنیو ترمنځ د ځمکې پر سر رامنځته شوې دښمني د یاد ولایت د سرحدونو، قومونو او قبایلو چارو د مسؤلینو ځایي دیني علماوو او قومي مشرانو په ګډو هڅو او منځګړیتوب پای ته ورسېده او دواړه لوري روغې جوړې ته ورسېدل.
د شخړې د هواري په موخه، منځګړو لومړی له دواړو لوریو سره جلا جلا لیدنې وکړې او د موضوع په اړه یې بشپړ معلومات راټول کړل. وروسته د جوړې شوې غونډې په ترڅ کې د دواړو لوریو د څرګندونو او غوښتنو له ارزونې وروسته پرېکړه وشوه، چې د دواړو خواوو د قناعت وړ وګرځېده او د اوږدې دښمنۍ د پای ته رسېدو لامل شوه.
د غونډې په پای کې دواړو لوریو یو بل ته د ورورولۍ لاسونه ورکړل او ژمنه یې وکړه چې په راتلونکي کې به خپلمنځي اړیکې په سوله، درناوي او تفاهم ساتي
