په پنجشير ولایت کې د قومونو د يووالي او همغږۍ غونډه.

mobta-af
پنجشنبه ۱۴۰۱/۱۲/۱۸ - ۹:۳۵
Mobta

چهار شنبه ١٥ شعبان المعظم۱۴۴۴

د سرحدونو، قومونو او قبایلو چارو وزارت د جرګو او قبایلي چارو د همغږۍ معینیت له لورې د قومونو ترمنځ د يووالي او همغږۍ غونډه د پنجشير ولایت په مرکز بازارک کې جوړه شوه.

په یاده غونډه کې د سرحدونو، ق.ق چارو وزارت د جرګو او قبایلي چارو د همغږۍ معین الحاج ملا عبدالخاق عابد، مل پلاوي، له لرو پرتو ولسواليو څخه را بلل شويو دیني عالمانو او قومي مخورو ګډون کړی وو.

Mobta

په غونډه کې د ياد ولايت والي مولوي محسن هاشمي، څو تنو قومي مشرانو او ديني عالمانو پنجشير ولايت ته د سرحدونو ق.ق چارو وزارت څخه راغلي لوړ پوړي پلاوي ته ښه راغلاست ووایه او د دغه ولایت په ولسوالیو کې د مېشتو قومونو ترمنځ د شخړو او ستونزو د حل او ټولنیز وضیعت په اړه معلومات وړاندې کړل او د دغو سیمو په اړه یې یو لړ ستونزې شریکې کړې او له پلاوي څخه یې غوښتنه وکړه چې د يادو ستونزو په هوارولو کې مرسته او همکاري وکړي.

همداراز د یاد وزارت د کوچیانو د اسکانو رئیس مولوي محمد نادر سنګین وویل: په تېرو شلو کلونو کې افغانان شهیدان شوي او ټکول شوي دي، خو اوس د یوه اسلامي نظام تر چتر لاندې هوسا ژوند کوي، نوموړي زیاته کړه نننۍ غونډه ستاسې د غږ اورېدلو او ستونزو ته د رسېدګي په موخه جوړه شوې ده، دا د ولس مسؤلیت دی چې د دې نظام ملاتړ وکړي او تر څنګ یې ودرېږي.

ورپسې د یاد وزارت د جرګو او قبایلي چارو د همغږۍ معین الحاج ملا عبدالخالق عابد وويل که چیرته د افغانستان ټول ولسونه همداسې متحد او همغږي و اوسي نو د دنيا هيڅ زبر ځواک به ونه شي کولاي چې دلته تېری وکړي، نو موږ او تاسو په خپل منځ کې په ملي وحدت او يووالي سره کولاي شو له خپل دین، عزت او هېواد څخه په کلکه ساتنه وکړو. نوموړي همداراز د هېواد داخلي امنيت ته په اشارې سره زياته کړه چې د نړۍ ټول هېوادونو د افغانستان امنیت خوندي نکړ، خو ا.ا.ا وکولای  شوای چې په لنډ وخت کې د افغانستان امنیت تأمین کړي او ټولو ناخوالو او بد بينيو ته د پاي ټکي کيږدي.

تازه خبرونه

دوشنبه ۱۴۰۵/۸/۲۵ - ۱۰:۱۳
Background image

پکتیا کې ۹ کلنه دښمني او جوزجان کې ۵ کلنه کورنۍ بدي هواره شوه

دوشنبه ٥ جمادی‌الآخرة ۱۴۴۸

د پکتیا ولایت د سرحدونو، قومونو او قبایلو چارو ریاست مسؤلینو د قومي مشرانو په منځګړیتوب او پرله‌ پسې هڅو په پایله کې د یاد ولایت په احمداباد ولسوالۍ کې هغه. . .

یکشنبه ۱۴۰۵/۸/۲۴ - ۱۴:۳۴
Background image

غزني کې د مسؤلینو او عامو خلکو ترمنځ لویه ولسي غونډه جوړه شوه

یکشنبه ۴ جمادی‌الآخرة ۱۴۴۸

د سرحدونو، قومونو او قبایلو چارو وزارت د سرحدي پلټنو معین مولوي عنایت‌الله شجاع په مشرۍ نن په غزني ولایت کې د دیني عالمانو، قومي مشرانو او عامو خلکو په ګډون. . .

یکشنبه ۱۴۰۵/۸/۲۴ - ۹:۷
Background image

لغمان کې د څو کورنيو ترمنځ د ميراث پر سر شخړه حل شوه

شنبه ۳ جمادی‌الآخرة ۱۴۴۸

د لغمان ولايت مرکز اړوند سيمې دوه کورنيو ترمنځ د ميراث پر سر راپورته شوې شخړه، چې لوی جنجالونه او ګڼ اختلافات يې لرل د دغه ولايت د سرحدونو، قومونو او قبايلو. . .

BACK TO NEWS

User account menu