د وزارت دوهمو ولايتي واحدونو ته د ظرفيت لوړونې ورکشاپ پرانيسته
۱۴۴۴/۵/۲ هـ ق
ددې ورکشاپ په پرانيسته غونډه کې د سرحدونو، قومونو او قبایلو چارو وزارت سرپرست الحاج ملا نورالله نوري په شمول د مالي او اداري عمومي رئيس ملا محمد انور تائب، د جرګو او قبایلي چارو دهمغږۍ رئيس الحاج مولوي محمد اسماعيل غزنوي، د مقام دفتر رئيس شيخ حضرت ولي حقاني، د بشري زېرمو رئيس مولوي کريم شاه تيلوي، د کوچيانو د اسکانو او اقتصادي چارو رئيس مولوي محمد سنګين کوچي او د اطلاعاتو او عامه اړيکو رئيس ملا حمدالله فطرت هم ګډون درلود، د قرآنکريم د مبارکو اياتونو په تلاوت سره پيل شو. دې ورکشاپ ته چي له ټولو ولايتونو څخه رئيسان، آمرين، اجراييه او اداري مديران او سرحدي کارپوهان ورته رابلل شوي چي اووه ورځې به دوام وکړي. په پيل کې د سرحدونو، قومونو او قبایلو چارو سرپرست وزير الحاج ملا نورالله نوري وينا وکړه، ټولو راغلو مسؤلينو او کارمندانو ته يې ښه راغلاست ووايه او ددوئ د يو کلن بريالي ماموريت او ښه فعاليت ستاينه يې وکړه، ښاغلي نوري د حکومتولي او اړوندو چارو د ښه پر مخ بيولو لپاره د ظرفيت لوړول او مهارتونو تر لاسه کول اړين وبلل او له ګډونوالو نه يې وغوښتل چي په پوره توجه او دقت دي د رهبري، مديريت او اداري چارو دغه ورکشاپ څخه استفاده وکړي.
دغه راز د جرګو رئيس الحاج مولوي محمد اسماعيل غزنوي هم د ياد ورکشاپ پر اهميت او ګټو رڼا واچوله او زياته يې کړه چې ستاسو کاري وړتيا د تير کال په اوږدو کې ثابته شوې چي ادارې مو فعالې کړې او د لا بهبود هڅې مو کړې، ددې ورکشاپ وروسته به ان شاء الله د مجربو استادانو له خوا لا ډيره ارتقاء ترلاسه کړئ. شيخ حضرت ولي حقاني د نظام د تقويې او حکومتولۍ د مهارتونو د ترلاسه کولو لپاره دغه راز ورکشاپونه خورا اړين ياد کړل او د ديني علومو تر څنګ يې د عصري علومو تر لاسه کول اړين وبلل. مولوي کريم شاه تيلوي له ټولو ګډونوالو وغوښتل چي راتلونکې اوونۍ دي د مهال ويش سره سم په درسي ساعتونو کې ګډون وکړي او زده کړي مهارتونه دي له نورو سره شريک کړي. نوموړي زياته کړه چي ګډونوال دي د خپلو ادرو اړوند ستونزې هم له وزارت سره شريک کړي.
