د سرحدونو، قومونو او قبايلو چارو وزير ملا نور الله نوري د پکتيکا ولایت سلېمانزي قوم له يو شمېر قومي مشرانو او سپين ږيرو سره لیدنه کړې

. په دې لیدنه کې قومي مشرانو د اسلامي امارت د کلک ملاتړ ترڅنک دا نظام د ولسونو د يووالي او هوساينې لپاره مهم بللی او په ساتنه کې يي د دې خاورې هر وګړی مسوول ياد کړی دی. دوی همداراز له ښاغلي نوري سره خپلې سيمه ييزې ستونزې، چې پکې زده‌کړو ته لاسرسی، رغنيزې چارې او روغتيا برخه شامله وه شريکې کړې او د حل په موخه يي د لازمو اقداماتو غوښتنه کړې ده. د سرحدونو، قومونو او قبايلو چارو وزير ملا نور الله نوري يادو قومي مشرانو ته د ښه راغلاست ترڅنګ د اسلامي نظام پر حاکميت کې د ولسونو جهادي قربانۍ ستايلي او د قومونو ترمنځ په اتحاد، اتفاق او يووالي ټينګار کړی دی. همداراز نوموړي د یادو قومي مشرانو د ستونزو د حل په موخه د اړینې همکارۍ ډاډ ورکړی او ژمنه یې کړې، چې ستونزې او غوښتنې به یې د حل لپاره اړوندو لوړپوړو چارواکو ته ورسوي.​​​​​​​