د غزنې د ولايتي شورا له غړې، ګڼشمېر ښځينه فعالانو، د کانکور ازموینې له ګډونوالو او د زينب هاشمي لېسې د ترانې ټيم له کوچنيو ماشومانو سره لېدنه!
د سرحدونو او قبايلو چارو وزير ښاغلي محب الله صميم غزني ولايت ته د خپل رسمي سفر په درېيمه ورځ د ولايتي شورا له غړې اغلې فاطمې رحيمي، ګڼ شمېر ښځینه فعالانو، د کانکور ګډونوالو او د يادې لېسې د ترانې ټيم له کوچنيو ماشومانو سره وکتل.
په دې کتنه کې، يادو ښځينه فعالانو د ښاغلي صميم له ولسي او ټولنيزو هلو ځلو او د خلکو په ویښتابه کې بېلابېلو ولايتونو ته د نوموړي د رسمي سفرونو له امله مننه وکړه.
همداراز يې په غزني ولايت کې ځوانانو ته د زده کړو د زمينې برابرولو، د ښځو حقوقو د ساتنې، روغتيايي خدماتو، دوى ته د کارموندلو، امنيت د ټينګښت او داسې نورو برخو کې خپلې ستونزې شرېکې کړې.
ورپسې ښاغلي محب الله صميم د خپلو خبرو په ترڅ کې دوى ته ډاډ ورکړ، چې په همدې موخه مو ياد ولايت ته سفر کړى، ترڅو ستاسو ستونزې، وړانديزونه او سلامشورې له ځان سره ولرم او له اړوندو ادارو سره يې د حل په موخه شريکې کړم.
.
دغه راز له تاسو زړه ورو او با شهامته خوېندو څخه مو غوښتنه داده، چې همېشه له خپل موجوده جمهوري نظام سره همکاري وکړئ او د دې نظام د پاېښت او بقا لپاره خپلو سياسي، فرهنګي او ټولنيزو فعاليتونو ته دوام ورکړئ وزارت په ټولو برخو کې ستاسو ملاتړې او همکار دی.
