په غزني کې له يو شمېرسیمه ایزو چارواکو او مخورو سره کتنه
د سرحدونو او قبایلو چارو وزیر ښاغلي محب الله صمیم غزني ته د خپل رسمي سفر په دویمه ورځ ددغه ولايت له یوشمېر سیمه ایزو چارواکو، مخورو او ځوانانو سره وکتل.
په دې کتنه کې لومړۍ د سرحدونو او قبایلو چارو وزیر ته ښه راغلاست او هرکلی وویل شو او نوموړو د نظام د ملاتړ تر څنګ خپلې یو لړ ستونزې له ښاغلي صمیم سره د حل په موخه شریکې کړې.
ورپسې ښاغلي صمیم غزني ولایت ته د خپل سفر د موخو په اړه څرګندونې وکړې، هیله یې څرګنده کړه، چې د غزني خلک به د تل په څېر له خپل نظام او ملي امنیتي ـ دفاعي ځواکونو څخه خپل ملاتړ ته دوام ورکوي او مرکزي حکومت ژمن دی، چې دغه مهم ولايت ته زياته پاملرنه وکړي.
ښاغلي صمیم د نظام او ملي امنیتي او دفاعي ځواکونو په ملاتړ د يوې لويې ولسي غونډې په جوړولوکې له دوې څخه د همکارۍ غوښتنه وکړه او ډاډ يې ورکړ، چې ستونزې به یې د حل په موخو له اړوندو ادارو سره شریکې کړي.
