په غزني ولایت کې د کوچیانو له روغتیایي کلینیک څخه لیدنه تر سره شوه !
۱۱/۱۱/۱۴۰۰ هــ ش
د سرحدونو او قبایلو چارو وزارت هیئت چې د غزني ولایت د سرحدونو، قومونو او قبايلو چارو رئیس ښاغلی مولوی محمد اسحاق ادریس هم ور سره مل وه په غزني ولایت کې د کوچیانو روغتیایي کلینیک څخه لیدنه وکړه.
په پيل کې د قلعه جوز د کوچیانو روغتیایي کلینیک (B.H.C) آمر ډاکټر سید احمد خان ورغلي هیئت ته ښه راغلاست ووايه او د یاد کلینیک د چوپړتياو په اړه معلومات ورکړل ، او د کلینیک شته ستونزې یې د هیئت سره شریکې کړې، همدا راز یې د درملو د زیاتوالي غوښتنه هم وکړه . چې د هيئت لخوا د کلینیک اړوند ستونزې واورېدل شوې او د هر راز همکاریو ډاد ورکړل شو ،او د یاد کلینیک کارکوونکو ته د لا ښه خدمت توصیه وشوه او ددوی چارې یې وستایلې .
وروسته د کلینیک کارکوونکو له خپله اړخه د ملت د لا ښه خدمت هوډ وښود او ډاډ يې ورکړ چي تل به د خلکو خدمت کوي .
