په بلخ او بادغيس ولايتونو کې د جلا جلا کورنيو تر منځ شخړې حل شوې
د بلخ ولايت په نهرشاهي ولسوالۍ کې هغه دښمني پاي ته ورسيده چې پرمهال يې يو کس خپل ژوند له لاسه ورکړی و او تر منځ يې لا هم د تاوتريخوالي هڅه کيده، دغه شخړه چې شاوخوا يوکال يې دوام کړی و د ياد ولايت د سرحدونو، قومونو او قبايلو چارو د رئيس مولوي سردار محمد محمدي او ګڼو نورو رياستونو مسؤلينو په هڅو يادې کورنۍ سره بيرته پخلا شوې. له دې سره د بادغيس ولايت د سرحدونو، قومونو او قبايلو چارو رئيس الحاج مولوي محمد قاسم په هڅو د علماوو او قومي مشرانو په همکارۍ قلعه نو سيمه کې د يوې ترافيکي پېښې پر سر راپورته شوی جنجال حل شو. دواړو طرفونو د مسؤلينو په شوې پريکړه خوښي وښوده او خپل سولييز ژوند يې پيل کړ. د خلکو او قومونو تر منځ ولسي اختلافات، شخړې او دښمنۍ له منځه وړل، يووالي، وروولۍ، سولې او صميميت ته يې رابلل د اميرالمؤمين حفظه لله تعالی ځانګړی حکم دی، چې د سرحدونو، قومونو اوقبايلو چارو وزارت او ولايتي رياستونو په همکارۍ دغه چاره ډيره ښه او منظمه مخته روانه ده.
