د سوېل ختیځ زون ولسونو د عالي کمیسېون له مشرتابه سره کتنه!
د سرحدونو او قبایلو چارو وزیر ښاغلي محب الله صمیم نن له غرمې مخکې د خپل کار په دفتر کې د سوېل ختیځ زون ولسونو د عالي کمیسېون له مشر ښاغلي ضیاالحق وزیرزي او ملګرو سره یې وکتل.
په دې کتنه کې لومړی د سرحدونو او قبایلو چارو د وزیر په توګه له ولسي جرګې څخه د باور رایې د ترلاسه کولو له امله ښاغلي صمیم ته مبارکي وویل شوه او د کمېسیون غړو د ښوونې او روزنې او د ځوانانو د وزګارتیا په برخو کې خپلې یو لړ ستونزې د وزارت له مشرتابه سره د حل په موخه شرېکې کړې.
ورپسې ښاغي محب الله صمیم د دوې له راتګ څخه د مننې په ترڅ کې وویل: موږ به هڅه وکړو چې ستاسو ستونزو ته د وزارت د امکاناتو په چوکاټ کې حل لارې پیدا کړو، د وزارت دروازې د ټولو ولسونو پرمخ پرانیستی دی او موږ به په ګډه د ملي موخو په ترلاسه کولو کې هلې ځلې کوو.
