د تحقیق اومطالعاتو ریاست له کارکوونکو سره د سرحدونو او قبایلو چارو وزارت د چارواکو کتنه
د سرحدونو، قومونو او قبایلو چارو وزارت مسلکي معین مولوي عبدالرحمن حقاني د وري په ۸مه د د دغه وزارت اړوند د تحقیق او مطالعاتو له رئیس او کارکوونکوسره وکتل. په پیل کې دغه ریاست رئیس هدایتالله حقاني د یاد رياست د لاسته راوړنو، د ځانګړنو او ستونزو په اړه معلومات وړاندې کړل. ښاغلي حقاني د خبرو پر مهال وویل : « د سرحدونو، قومونو او قبایلو چارو وزارت د هېواد د بېلابېلو قومونواوقبایلو او اسلامي امارت تر منځ د ارتباطي پل حیثیت لري، دا چې د افغانستان اسلامي امارت د ټولو افغانانو په ملاتړ د فتحې تر درشله رسېدلی، نو په ډاډ سره ویلی شو چې اسلامي امارت د هېواد د ټولو وګړو شریک نظام دی . اړینه ده چې د تحقیق اومطالعاتو ریاست په ټول ځواک اوصداقت د قومي اوقبایلي جوړښتونو، ژبې، دودونو او د هرقوم پس منظر له ځان سره ولري». هغه زیاته کړه، د افغانستان اسلامي امارت مشرتابه د هېواد د هر قوم او ملیت د قومي جوړښت عنعناتو او اسلامي ارزښتونو په چوکاټ کې تعامل لري او خلکو ته د خدمت جوګه دی.
