په لغمان کې ترهګریز برید په کلکه غندو!
په ډېري خواشینۍ سره مو خبر ترلاسه کړ، چې د هېواد او خلکو دښمنانو د خپلو وحشیانه بریدونو په دوام نن د لغمان والي پر موټریز کاروان برید کړی ، چی والي رحمت الله یارمل له بریده روغ وتلی، خو په پېښه کې د ماشومانو په ګډون یو شمېر ملکي وګړي شهیدان او ټپیان شوي دي.
د هېواد او خلکو دښمنان باید په دې پوه شي، چې ددغه شان ناروا بریدونو په ترسره کولو سره به هېڅکله هم خپلو شومو موخو ته ونه رسيږي.
د سرحدونو او قبایلو چارو وزارت مقام په داسې حال کې، چې دغه ترهګریز عمل په کلکه غندي د منان رب له سپېڅلي دربار څخه د پېښې شهیدانو ته فردوس جنت، ټپیانو ته بشپړه روغتیا او کورنیو ته یې د جمیل صبر او عظیم اجر هیله کوي.
محب الله صمیم
د سرحدونو او قبایلو چارو سرپرست او نوماند وزیر
