هلمند کي قومي مشرانو، ديني عالمانو اوځوانانو د مشورتي لويي جرګې د پريکړې ملاتړ وکړ!
د هلمند ګڼو قومي مشرانو، ديني عالمانواو ځوانانو د ۴۰۰ سوه طالب بنديانو د خلاصون او سولي په اړه د جوړي سوي مشورتي لويي جرګې د پرېکړي ملاتړ وکړ او دايي د افغانستان دخلکو په ګټه پرېګړه وبلله.
هغه غونډه کي چي د سرحدونواوقبایلوچارو ریاست کي جوړه سوې وه، د سرحدونواوقبایلو چارو رئيس نويدنظري، مولوي عبدالغفار، مولوي عبدالله فکور، قومي مشر حاجي عبدالعلي سروري، د اڅکزو شورا مشر حاجي احمدجان، د ازبکو شورا مشر عبدالرحيم یوسفي، او د ولسي ټولنیزي شورا مرستیال عصمت الله هڅاند خبري وکړې، او د د سولي مشورتي لويي جرګې دایریدل يې دسولي په راوستلو کي يو ګټور اقدام وباله.
وینا کوونکو د سولي په برخه کي د جمهور رئيس محمداشرف غني هڅي او دملي اجماع جوړولو کي يې د هغه بېساري اقدامات وستایل، او هیله یې وښوده چي د بین الافغاني خبرو اترو د پیل سره سم به طالبان اوربند او بیا دايمي سولي ته غاړه کښېږدي.
د سولي مشورتي لویه جرګه چي تېره اونی پیل سوه، د دريو ورځو وروسته يې جمهور رئيس ته د څلور سوه طالب بنديانو دخوشي کولو مشوره ورکړه، چي جمهور رئيس هم سولي ته د رسېدو لپاره د دې بنديانو دخلاصون فرمان امضا کړ.
