د پکتیا ولایت د دوو قومونو ترمنځ، چې د غرني ځنګل او ځمکي پر سر په شخړه بوخت وه اوربند وشو.
د پکتیا ولایت د ډنډ پټان ولسوالۍ د قیمتي کلي، غونډې کلي او خنګو خوړ کې د غرني ځنګل او ځمکي پر سر د منګلو او خروټو قومونو تر منځ د رواني شخړي د حل لپاره د ولسمشر د حکم په اساس د سرحدونو او قبایلو چارو وزارت د جرګو او قبایلي چارو معین ښاغلي محمد یعقوب احمدزي په مشرۍ لوړ پوړي پلاوي پکتیا ولایت ته سفر وکړ، چې د دغه ولایت له والي ښاغلي شمیم کټوازي، د امنیتي او نورو ادارو له مسؤلینو او په شخړي کې د ښکیلو قومونو له قومي مشرانو سره تر لیدنو وروسته دواړو لورو د پلاوي له خوا د اوربند وړاندیز ومني، د دواړو قومونو تر منځ د اوربند موافقه لاسلیک شوه، وې ویل، چې نور به یو پر بل ډزي نه کوي، مورچي به ړنګوي او د پلاوي له خوا تر وروستي فيصلې وروسته به دا شخړه د تل لپاره پای ته رسوي.
د یادوني وړ ده، چې د دواړو قومونو تر منځ د اوربند د پریکړه لیک له منلو سره سم د دواړو لورو زندانیان هم، چې له یو بل سره وه له زندان څخه ازاد او خپلو کورنو ته ستانه شول.
