د افغانستان د روغتیا دویم نړیوال نندارتون کې د سرحدونو، قومونو او قبایلو چارو وزارت له لوري چاپ شوي مواد نندارې ته وړاندې شول
چهارشنبه/۳۰/ جمادی الاول ۱۴۴۸
د عامې روغتیا وزارت نن په کابل کې د افغانستان د روغتیا په عنوان روغتیایي او نورو تولیداتو ته د بازار موندنې په موخه نړیوال نندارتون جوړ کړی، چې د ګڼو حکومتي او خصوصي ادارو په ګډون د سرحدونو، قومونو او قبایلو چارو وزارت هم خپل چاپي تولیدات او خپرونې پکې نندارې ته وړاندې کړل.
د خپرونو له جملې د یاد وزارت له لوري چاپ شوي کتابونه، مجلې، د امیرالمؤمنین شیخ صاحب حفظه الله تعالی فرامین او د شخړو د حل لارښود او ګڼ نور تولیدات او چاپي نسخې اطلاعاتو ته د لاسرسي او عامه پوهاوي په موخه نندارې ته کېښودل شول.
