بلخ کې يوه کلنه شخړه حل او فصل شوه
سه شنبه ۱۱ ذوالقعدة الحرام ۱۴۴۷
د بلخ ولايت د سرحدونو، قومونو او قبايلو چارو رياست مسؤلينو د ځايي قومي مشرانو او ديني عالمانو په منځګړيتوب د ياد ولايت په دولت آباد ولسوالي کې د دوو کورنيو ترمنځ روغه جوړه ترسره کړه.
د يادو کورنيو ترمنځ د څه باندې يوکال په اوږدو کې ګڼې ستونزې موجودې وې، چې د هغوی ژوند يې تريخ کړی و او د ځينو بد بينيو له امله يې راشه درشه سره نه لره، چې د مسؤلينو په هڅو بلآخره روغې جوړې ته چمتو شول.
د روغې پرمهال د دواړو ښکېلو کورنيو مشرانو په خپل تېر ژوند پښېماني وښوده او له مسؤلينو سره يې ژمنه وکړه، چې په راتلونکې کې به خپل سوله ييز ژوند ته پاملرنه کوي.
