بلخ کې د یوې لویې شخړې حل
شنبه ۵ رمضان المبارک ۱۴۴۷ دبلخ ولایت مرکز مزار شریف کې ددوو کورنیوترمنځ هغه شخړه چې له تېروپنځوکلونو راهیسې روانه وه او دواړو لورو ته یې درانه مالي زیانونه اړولي وو،دسرحدونو، ق.ق چارو ریاست په هڅو او د قومي مخورو او مصلحینو په منځګړیتوب پای ته ورسېده.د بلخ ولایت د سرحدونو، قومونو او قبایلو چارو رئیس مولوي سردار محمد محمدي د یوې غونډي په ترڅ کې د دواړو لورو خبرې واورېدې او هغوی ته یې د اسلام له نظره د ورورولۍ، اتفاق او بښنې ارزښتونه بیان کړل.په پای کې دواړو لورو د خپلو تېرو کړنو له امله یې پښېماني څرګنده کړه او ژمنه یې وکړه چې له دې وروسته به هڅه کوي چې له شخړو پرته هوسا ژوند ته دوام ورکړي.
