د نورستان اړوند د ډیورنډ فرضي کرښې په اوږدو کې د پراختیایي پروژو په موخه د یوه پلاوي سفر
دوشنبه ۲۵/۴/۱۴۴۶
د سرحدونو، قومونو او قبایلو چارو وزارت مالي او اداري لوی رئیس مولوي محمد انور تائب د یوه پلاوي په مشري نورستان ولایت ته سفر وکړ او له هدایت سره سم یې د نورستان ولایت د استازي مولوي محمد نادر محمد، د ولایتي کمېټې له غړو او تخنیکي مسؤلینو سره ناسته وکړه.
په دغه ناسته د وزارت له لوري د لېږل شوي هیئت له لوري د ډېورنډ فرضي کرښې په اوږدو کې پرتو ولسوالیو ته د خدمتونو ترسره کولو په کړنلاره، میکانیزمونو او اړوند اسنادو خبرې وشوې، د ولایتي کمېټې ستونزې او راپورونه واورېدل شول او په اړونده برخه کې مسؤلینو ته سپارښتنې او مشورې ورکړل شوې.
ورپسې د نورستان ولایتي استازي ښاغلي محمد د ولایتي کمېټې د مشر په توګه د سرحدي او ډېورنډ فرضي کرښې ته څیرمه وګړو د خدمتونو لړۍ یوه اړینه چاره وبلله او له ورغلي پلاوي څخه یې مننه وکړه چې د ولایتي کمېټې او تخنیکي مسؤلینو د لارښونې په موخه یې سفر ترسره کړی.
