د کرنيزو محصولاتو څلور ورځنی خزاني نندارتون کې ګډون!
١٤٤٤قمري کال د ربيع الااول٢٣مه
د کرنې اوبولګولو او مالدارۍ وزارت لخوا د کابل په بادام باغ کې د خزاني محصولاتو اوه ويشتم نندارتون جوړ شو. په یاد نندار تون کې چې د افغانستان د اسلامي امارت رياست الوزرا مرستیالانو پرانست دسرحدونو قومونو قبایلو چارو د کوچیانو چارو د سمون عمومي رئيس ښاغلي ګل زرین کوچي او د یاد ریاست د څړ ځایونو او اقتصادي خدماتو د همغږۍ رئيس هم ګډون کړی و.
په دغه څلور ورځني نندارتون کې د نورو ډول ډول محصولاتو تر څنګ د کوچیانو محصولات هم چې د هېواد په اقتصادي پیاوړتیا کې مهم رول لري نندارې ته وړاندې شول، چې د کورنۍ او نړیوالې بازار موندنې او له کرنیزو محصولاتو او لاسي صنايعو څخه د ملاتړ جلبولو لپاره دا ډول فعالیتونه ګټور او د خلکو د خوښې وړ وګرځيدل.
