د سرحدونو، قومونو او قبایلو چارو وزارت لوړ رتبه پلاوي د بغلان ولايت له والي سره وکتل
۱۴۴۴/۳/۲۱ دوشنبه
د سرحدونو، قومونو او قبایلو چارو وزارت د جرګو او قبایلي چارو د همغږۍ معين الحاج ملا عبدالخالق عابد، د جرګو رئيس الحاج مولوي محمد اسماعيل غزنوي او د کوچیانو د اسکانو رئیس مولوي محمد نادر سنګین د بغلان ولایت له والي مولوي سمیع الله حزب الله سره د همدې ولایت په مقام کې وکتل. د یاد ولایت والي مولوي سمیع الله حزب الله راهلي پلاوي ته ښه راغلاست ووایه او د بغلان ولایت د قومونو له همکاري او یووالي یې خوښي څرګنده کړه. وروسته د جرګو او قبایلي چارو د همغږۍ معين الحاج ملا عبدالخالق عابد او د جرګو رئیس مولوي محمد اسماعیل غزنوي د والي د هڅو ستاینه وکړه. راغلي پلاوي د همدې ولایت له والي سره د قومونو د یووالي او همغږي د غونډې په اړه خبرې او مشورې وکړې. د يادونې وړ ده چي د سرحدونو، قومونو او قبایلو چارو وزارت د هيواد په ټولو ولايتونو کې نوبتي قومي جرګې او غونډې لري چي په روانه مياشت کې به د هيواد په شمالي او شمال ختيځو ولايتونو کې سترې غونډې راوبولي.
