د وزارت کارکوونکو ته د ظرفیتونو د پراختیا ورکشاپ پرانیسته
د محرم ٢٥مه سه شنبه
په هغه غونډه کې چې د وزارت د کارکونکو د ورکشاپ د پیل په موخه د تدارکاتو د ریاست په نوښت جوړه شوې وه د سرحدونو، قومونو او قبايلو چارو وزارت د ورکشاف مسؤل ښوونکي سربېره د وزارت يو شمير امرینو او مامورينو پکې ګډون درلود.
غونډه د قران عظیم الشان د څو مبارکو ایتونو په تلاوت پیل شوه.
ورپسې د سرحدونو، قومونو او قبایلو چارو وزارت د ورکشاف مسؤل ښوونکي په خپلو خبرو کې د غونډې ګډون والو ته د ښه راغلاست ویلو تر څنګ یاد ورکشاپ مهم او اغیزمن وباله وې ویل د تجربو لاسته را وړل ظرفیت لوړول او په تدارکاتي او اداري اصولو پوهیدل دا د یو مامور د پیاوړي کولو په معنا ده تر څو د وخت سره سم د تدارکاتي چارو سره بلدتیا پیدا کړي او د خپلو چارو په مخته وړلو کې ترې ګټه پورته کړي او هم یې له نورو همکارانو سره شریک کړي.
