په کابل کې د ترکيې له سفیر سره لیدنه
چهارشنبه، ١٤٠١ لمریز کال د غوايي ٢١ مه
د سرحدونو، قومونو او قبایلو چارو سرپرست وزیر، ښاغلي ملا نورالله ‹نوري› د دوست هېواد ترکيې له سفیر ښاغلي جيهاد ايرګي ای سره د خپل کار په دفتر کې وکتل.
په پیل کې د سرحدونو ، قومونو او قبایلو چارو سرپرست وزیر ملا نورالله نوري د ترکيې سفیر ته ښه راغلاست ووایه او له افغانستان سره یې په بېلابېلو برخو کې د مرستو او همکاريو له کبله مننه وکړه.
ښاغلي نوري د دواړو هېوادونو د دوستانه اړیکو د پراختیا او له افغانستان سره د ترکيې د مرستو په اړه هر اړخیزې خبرې وکړې.
نوموړي زياته کړه چې د افغانستان او ترکيه هيواد ملتونه تر خپل منځ فرهنګي، مذهبي او تاريخي مشترکاتو سره پېلامې او ښې اړيکې لري، اسلامي امارت به ددغو مشترکاتو په امتداد خپل روابط لا غښتلي کړي.
دغه راز، د ترکيې سفیر د خپل هېواد د مرستو په دوام ټينگار وکړ او ويې ويل: چې د روغتيا، ښوونې او روزنې، خوراکي موادو، او بزګرانو ته د اصلاح شویو تخمونو او نیالګیو د برابرولو په برخه کي به مرستو ته دوام ورکوي.
د تاریخي، فرهنګي او مذهبي ګډو همکاریو پر دوام او پیاوړتیا يې هم ټینګار وکړ.
