په ایران هېواد کې له افغانانوسره د غیر انساني چلند پروړاندې له اعتراضه ډک لاریون تر سره شو
په دې وروستیوکې ایران هېواد کې د افغان کډوالو په وړاندې د هر ډول بشري نورمونو، اصولو او انساني کرامت خلاف تاوتریخوالی روان دی ، چې له امله یې ګڼ شمېر افغانان ډبول شوي او د مرګ ترپولې رسیدلي دي. په همدې موخه د لاریونونو په دوام نن هم په کابل کې د عامې روغتيا څلورلارې سره قومي شوراګانو او د مدني ټولنو دانسجام شورا له لوري لاریون ترسره شو. دوی د افغانانو پر وړاندې په ایران هېواد کې انساني او بشر ضد کړنې په سختو ټکو وغندلې اودا یې له ټولو انساني، اسلامي او اخلاقي ارزښتونو او نړۍ والو اصولو پرخلاف عمل وباله ، غوښتنه یې داوه چې نور دې ددغه ډول کړنو چې هیڅ باضمیره انسان ته د منلو نه دي مخه ونیول شي اوعاملینوته دې سزا ورکړل شي. ټینګار یې وکړ چې له خپل توان اوامکاناتوپه استفادې به د خپلو کډوالو هېوادوالو له انساني حقونوڅخه دفاع وکړي او خپلو لاریونونو ته به دوام ورکړي.
