په خوست ولایت کې د مېشتو کوچيانو له قومي مشرانو او مخورو سره ناسته تر سره شوه !
د کوچیانو چارو لوی رئیس مولوي ګل زرین کوچي خوست ولایت ته دخپل کاري سفر په ترڅ کې د خوست ولایت مرکز، نادرشاه کوټ ولسوالۍ او د ببرک تاڼې سیمې کوچي مشرانو، علماوو او سرخېلانو سره د کوچي قوم د ستونزو د اورېدو او هواريدو ته د لارو چارو لټولو په موخه ناسته تر سره کړه. د کوچیانو چارو عمومي رئیس د کوچیانو ستونزې او مشکلات واوریدل او له خپله اړخه یې د حل ډاډ ورکړ. نوموړي زیاته کړه چې کوچي قوم هر وخت د هر یرغلګر پر وړاندې په سپېڅلي جـهاد کې ستره ونډه درلوده او په دې سپېڅلې لاره کې یې بې شمېره قربانۍ ورکړې دي . ورپسې د کوچي قوم مشرانو ژمنه وکړه چې له شته اسلامي نظام او د ا.ا.ا څخه به په هره بیه چې وي ساتنه او پالنه کوي.
