سلګونه بې ځایه شوې کورنۍ خپلومېنو ته ستنې شوې

د ننګرهارولایت د لعل پورې ولسوالۍ سلګونه کورنۍ چې شمېر یې ۲۵۰۰تنو ته رسېده او کابو شپږکاله وړاندې د ناامنیو له کبله د خپل کلي او مېنو  پرېښودلو ته اړې شوې وې، بېرته خپلو مینو ته ستنې شوې.

د ننګرهارولایت د سرحدونو اوقبایلوچارومسؤل ښاغلي قاري رحمت الله پروینا چې د قومي مشرانو، د لعل پورې ولسوالۍ د مرستیال اویوشمېر چارواکو په مرسته اوهمکارۍ یې دې ته زمینه برابره کړه چې دغه بې ځایه شوي هېواد وال خپلو مېنو ته ستانه شي ،خو نوموړي دا هم وویل د یوشمېرستنوشویو مېنې ورانې ویجاړې دي چې له امله به یې  له ستونزوسره لاس اوګریوان وي، هیله یې څرګنده کړه چې خیریه مرستندویه ټولنې ورسره د ستونزوپه حل کې مرسته وکړي.

ښاغلي قاري رحمت الله دغه راز ګوشتې ولسوالۍ ته هم له خپلو سیمو څخه د بې ځایه شویو خلکو د بېرته ستنېدو په اړه د پیل شویوهڅوخبر ورکړ.