جمهوررئیس د خوست هوایي ډګر پرانیست
جمهوررئیس محمد اشرف غني نن سهار د لوړ پوړي دولتي پلاوي په مشرۍ د خوست ولایت د عمومي وضعیت ارزولو په موخه یاد ولایت ته ولاړ.
خوست ولایت ته له رسېدو سره سم د یاد ولایت مشرانو، ملکي او نظامي مسوولینو، په ملي شورا کې د خوست استازو او متنفذینو جمهوررئیس او ورسره پلاوي ته ښه راغلاست ووایه.
جمهوررئيس غني د خوست هوایي ډګر له پرانیستې او له والي مهمند کټوازي سره تر کتنې وروسته له متحده عربي اماراتو څخه راغلو مېلمنو سره وکتل او هغوی ته یې ښه راغلاست ووایه.
په پام کې ده چې جمهوررئيس غني به ارشد امنیتي غونډه کې پر ګډون سربېره خوست کې مېشتو امنیتي او دفاعي ځواکونو او د خوست ولایت مشرانو، متنفذینو، ځوانانو او د بېلابېلو اقشارو استازو سره په لویه ولسي غونډه کې د هغوی غوښتنې او وړاندیزونه واوري.
