د غزني او کاپیسا له پخوانیو والیانو سره کتنه!
د سرحدونو او قبایلو چارو وزیر ښاغلي محب الله صمیم نن غرمه د غزني او کاپیسا له پخوانیو والیانو ښاغلي الحاج وحیدالله کلیمزي او ښاغلي محراب الدین صافي سره د خپل کار په دفتر کې وکتل.
په دې کتنه کې دواړو لورو په هېواد کې د روانو حالاتو، بېلابېلو ولایتونو ته د سرحدونو او قبایلو چارو وزیر ښاغلي محب الله صمیم د سفرونو، موجوده نظام او ملي امنیتي – دفاعي ځواکونو ملاتړ ته د ولسونو هڅولو او دوی ته د مثبتې روحیې ورکولو، په دې برخه کې د قومي مشرانو، دیني عالمانو، مخورو او ځوانانو په رول او ګډو هلو ځلو ټینګار وشو.
