د روژې مبارکې میاشتې د رارسېدو په مناسبت د سرحدونو او قبایلو چارو وزارت پیغام!

بسم الله الرحمن الرحیم

د روژې مبارکه میاشت، د الهي رحمت د دروازو پرانستلو او د ګناهونو د بښلو میاشت ده او بې شکه د دې میاشتې روژه له الهي نعمتونو څخه یو نعمت دی، چې د الله تعالی (ج) له خوا د مسلمانانو د جسمي او روحي آرماتیا لپاره فرض شویده، چې د افغانستان مسلمان ملت ته د دې مبارکې میاشتې مبارکي وایو او د الله تعالی(ج) له سپیڅلي دربار څخه غوښتنه کوو، چې د دې مبارکې میاشت په برکت زموږ په ګران هېواد افغانستان کې تلپاتې سوله راولي.

د سرحدونو او قبایلو چارو وزارت له وسله والو مخالفینو څخه غواړي، چې د روژې په مبارکې میاشتې کې له جګړو او نورو تروریستي بریدونو څخه لاس واخلي، نور د بې ګناه افغانانو وینه توی نه کړي او پریږدې، چې ټول افغانان د سولې او امن په فضا کې د روژې د مبارکې میاشتې سترعبادت تر سره کړي.

محب الله صمیم

د سرحدونو او قبایلو چارو وزیر