د وزارت یو شمېر متقاعدو کارکوونکو ته ستاینلیکونه ورکړل شول!
په هغه غونډه، چې نن د وزارت د کنفرانسونو په تالار کې د بشري سرچېنو ریاست له خوا جوړه شوې وه د سرحدونو او قبایلو چارو وزارت د جرګو او قبایلي چارو د همغږۍ مرستیال ښاغلي محمد یعقوب احمدزي، د سرحدي څېړنو مرستیال ډاکټر محمد آصف قاضی زاده او د وزارت یو شمېررئیسانو او متقاعد شویو کارکوونکوګډون کړی و.
په پیل کې د وزارت د جرګو اوقبایلي چارو د همغږۍ مرستیال ښاغلي محمد یعقوب احمدزي خبرې وکړې ویې ویل: زه ستاسو له خدمت څخه مننه کوم، چې هېواد او ولسونو ته مو د خپل ماموریت په دوره کې کړي دي، موږ مو د هڅو قدرداني او ستاینه کوو او هیله من یو له تقاعد وروسته هم خپلو خلکو ته خدمت وکړئ.
ورپسې د سرحدې څېړنو مرستیال ښاغلي ډاکټرمحمد اصف قاضیزداه زاده په خپلو خبرو کې د متقاعد شویو کارکوونکو هڅې وستایلې او دوی ته یې د ژوند په ټولو برخو کې د بریاوو هیله وکړه.
همدار راز یو تن متقاعد شوی افسرد نورو په استازېتوب په خپلو خبرو کې د وزارت له محترم مشرتابه څخه مننه وکړه، چې د دوې لپاره یې د ستاینې غونډه جوړه کړه.
د غونډې په پاې کې نوموړو باندې د وزارت له خوا چمتو شوي ستاینلیکونه ووېشل شول.
