په ولسي جرګه کې د کندز ولایت د خلکو له استازي او د افغانستان د قرلق قوم د ټولنیزې شورا له مشرتابه او غړو سره کتنه!
۱۸/۱۱/۱۳۹۹
د سرحدونو او قبایلو چارو وزیر ښاغلي محب الله صمیم نن له غرمې وروسته په ولسي جرګه کې د کندز ولایت د خلکو له استازي ښاغلي شاه خان شېرزاد او د افغانستان د قرلق قوم د ټولنیزې شورا له مشرتابه او غړو سره د خپل کار په دفتر کې وکتل.
په دې کتنه کې راغلو مشرانو د تابعیت په تذکره کې د قرلق قوم د نوم د ذکر کولو ترڅنګ یو لړ نورې سیمه ییزې ستونزې هم، چې په بېلابېلو برخو کې وې د وزارت له مشرتابه سره شریکې کړې او د حل غوښتنه یې وکړه.
ورپسې ښاغلي محب الله صمیم د راغلو مشرانو ستونزې پر ځای وبللې او د سرحدونو او قبایلو چارو وزارت یې د ټولو مېشتو درنو قومونو ګډ کور وباله دغه راز یې یادو مشرانو ته ډاډ ورکړ، چې ستونزې به یې له اړوندو ادارو سره د حل په موخه شریکې کړي.
