د نیمروز نقشبندیه خانقاه له مشرانو سره لیدنه !
د سرحدونو او قبایلو چارو وزیر محترم محب الله صمیم نیمروز ته د خپل سفر په ترڅ کې نن ددغه ولایت نقشبندیه خانقاه ته د ورتګ په ترڅ کې د خانقا له مشر او د نیمروز د ساداتو د شورا له مشر حاجي مولوي سیدولي جان او نورو مشرانو سره وکتل.
نوموړو د سولې او پخلاینې په پروسه کې ددیني عالمانو د ونډې پر اهمیت خبرې وکړې. وې ویل: ديني عالمان کولې شي د ممبر له لارې د سولې او ملي يووالي په ټينګښت کې فعال رول ولوبوي او خلک د نظام ملاتړ ته راوبولي، چې موږ دې کار ته ژمن يو.
ښاغلي صمیم دغه راز د افراطیت په مقابل کې د دیني او مذهبي اعتدال په خپرولو کې د اهل تصوف نقش وستایه.
