په هېواد کې ټول مېشت درانه قومونه سره وروڼه دي!
دغه څرګندونې د سرحدونو او قبایلو چارو وزیر ښاغلي محب الله صمیم نن له غرمې مخکې د بېلابېلو نورستان، ترکمن، پشه یي، ګجر، جوګیان، سادات، ایماق، عرب او بلوڅو قومي مشرانو او ځوانانو سره د کتنې په ترڅ کې وکړې.
په دې کتنه کې راغلو مشرانو خپلې یو لړ سیمه ییزې ستونزې ، چې د وزارت په اړوندو لېسو کې د ناامنو سیمو ځوانانو شامېلیدو، د روغتیايي مرکزونو د نه شتون، د ملي او نړیوالو ورځو په لمانځغونډو کې، چې د وزارت له خوا جوړیږي ګډون کولو او نورو برخو کې وې شریکې کړې او د حل لارو چارو په موندلو یې ټینګار وکړ.
دغه راز یې له موجوده نظام څخه د ملاتړ په ترڅ کې له وزارت سره د خپلو همکاریو ډاډ ورکړ.
ورپسې ښاغلي محب الله صمم په خپلو خبرو کې د یادو قومي مشرانو ستونزې پر ځای وبللې وې ویل: په هېواد کې ټول مېشت درانه قومونه سره وروڼه دي، ځکه چې د هېواد د ساتلو په لار کې یې کې قربانۍ ورکړي او د دوی هڅې او سرخندنې د ستایلو وړ دي.
همدا راز ښاغلي صمیم وویل: د سرحدونو او قبایلو چارو وزارت د مېشتو درنو قومونو ګډ کور دې او دروازې یې د تل په څېر ستاسو مشرانو پر مخ پرانېستې دي هر وخت کولای شې، چې خپلې ستونزې او سلامشورې مو د چارو د بهبود په موخه د وزارت له مشرتابه سره شریکې کړې.
