په ولسي جرګه کې د خلکو له استازو او له یو شمېر قومي مشرانو سره کتنه!
د سرحدونو او قبایلو چارو سرپرست او نوماند وزیر ښاغلي محب الله صمیم نن له غرمې مخکې په ولسي جرګه کې د بادغیس او غور ولایتونو د خلکو له استازو ښاغلي ضیاالدین اکازي، آغلې فاطمې کوهستانۍ، د کنړ پوهنتون له علمي مرستیال ښاغلي میرویس ستانکزي او له یو شمېر قومي مشرانو سره د خپل کار په دفتر کې وکتل.
په دې کتنه کې راغلو استازو او مشرانو د خپلو یو لړ سیمه ییزو ستونزو شریکولو ترڅنګ د سولې د ټینګښت، د جرګو جوړولو، د ناامنو سیمو ځوانانو ته د زده کړو زمينو برابرولو او د قومونو د انسجام په برخو کې د سرحدونو او قبایلو چارو وزارت د مشرتابه هڅې وستایلې او د خپلو همکاریو ډاډ یې وکړ.
ورپسې ښاغلي محب الله صمیم په خپلو خبرو کې د نوموړو مشرانو ستونزې پر ځای وبللې او د دوی له هېوادني احساس څخه یې مننه وکړه وې ویل: ډاډمن یم، چې د ستاسو درنو مشرانو په سلامشورو سره به خپلو هېواد والو ته د خدمت جوګه شم او ستونزو ته به مو حل لارې پیدا کړم.
