کندوز ولایت د سرحدونو او قبایلو چارو ریاست د جرګو په تالار کې د قومي مشرانو سره دوامداره اړیکو ساتلو په لړ کې نن شنبه د(لیندۍ۳۰مه۱۳۹۸) غونډه وشوه، چې د ملکي ادارو یو شمېر رئیسانو او د بېلابېلو قومونو قومي مشرانو او ځوانانو ګډون کړی و
.د سرحدونو او قبایلو چارو رئیس نظیف الله نظیف غونډې ته د خبرو پر مهال وویل، قومي مشران د فکري رغونې، ملي پروسو نه ملاتړ، سولې، امنیت او ملي یوالي په برخه کې مهم رول لري، له قومي مشرانو یې مننه وکړه، چې تل یې د ملي پروسو نه ملاتړ څرګند کړی، د سرحدونو او قبایلو چارو ریاست ته یې د خپل کور په سترګه کتلي
غونډې ته د وینا پر مهال د اطلاعاتو او کلتور رئیس او شمال زون کرکټ بورډ مشر په یووالي او همغږۍ کې د قومي مشرانو پر رول خبرې وکړې، د سرحدونو او قبایلو چارو د ریاست کړنې یې وستایلې.
د عربانو د شورا مشر، د لویې پکتیا د شورا معاون او مشر، د غوربندیانو د شورا مشر او د ځوانانو په استازولي ځوانانو خبرې وکړې، د سولې، ملي یووالي او ملي حاکمیت ټینګښت، فکري رغونې، له قومونو او قومي مشرانو سره نږدې اړیکو ساتلو او بېلابېلو برخو کې یې د سرحدونو او قبایلو چارو د ریاست هڅې وستایلې او د هر ډول همکارۍ ډاډ یې ورکړ.
