په کندوز ولايت کې د درې بيلابيلو شخړو حل

شنبه ۳ ذوالحجه ۱۴۴۶ د کندوز ولايت د سرحدونو، قومونو او قبایلو چارو رئيس مولوي احسان الله ثاقب په هلوځلو د قومي مشرانو، علماوو او ځايې خلکو په همکارۍ د ياد ولايت په ملرغي سيمه کې د ميراث پر سر راپورته شوې دوه کلنه شخړه.په ګټه خېلو سيمه کې يوکلنه او د همدې ولايت په بولک اول کلي کې د ځمکې د ملکيت پر سر راپورته شوی جنجال هوار او د ښکېلو ټولو کورنيو غړي د سولې له خواږه نعمته برخمن شول.ديادو شخړو د حل په مراسمو کې مسؤلينو اوسيمه ییزو مشرانو د خلکو تر منځ په اتفاق او ورورولۍټینګار وکړ او په سوله کې ژوند کول يې ددنيا او اخرت کاميابي وبلله،دوی همدا راز له ولسونو وغوښتل،چې دهرې ستونزې پرمهال دې له زغم څخه کار واخلي او دحل په موخه دې يې د ا.اله مشرانو سره شريکه کړي.د سرحدونو، قومونو او قبايلو چارو وزارت تل هڅه کوي، چې د خپلو محلي ادارو په همکارۍ د ولسونو ترمنځ ټولو لويو او وړو ستونزو ته د هواري په موخه ځان ورسوي ترڅو خلک له هوسا ژوند برخمن شي.ه کندوز ولايت کې د درې بيلابيلو شخړو حل