په ولسي جرګه کې د ننګرهار ولایت د خلکو له استازي سره کتنه!
د سرحدونو او قبایلو چارو وزیر ښاغلي محب الله صمیم نن له غرمې وروسته په ولسي جرګه کې د ننګرهار ولایت د خلکو له استازي ښاغلي نیازولي مسلم سره د خپل کار په دفتر کې وکتل.
په دې کتنه کې ښاغلي مسلم د خپلو موکلینو یو لړ سیمه ییزو ستونزو شریکولو ترڅنګ د ملي یووالي، سولې د ټینګښت او د ولسونو ترمنځ د اړیکو د پراختیا په برخه کې ښاغلی محب الله صمیم وړ او مجرب شخص وباله او له وزارت سره یې د خپلو همکاریو ډاډ ورکړ.
ورپسې ښاغلي محب الله صمیم د راغلو مخورو ستونزې پر ځای وبللې وې ویل: د لوی ننګرهار ولسونو تل د نظام او هېواد دفاع په لار کې قربانۍ ورکړي دغه راز د سولې او امن د راوستو او د اوربند د ټینګښت په برخه کې باید ټول افغانان تر خپلې وسې پورې کار وکړې، د خلکو استازي او قومي مشران د نظام پایښت ته د ولسونو په رابللو کې مهم رول لوبولې شي.
