په ولسي جرګه کې د خلکو له استازې سره کتنه!
د سرحدونو او قبایلو چارو وزیر ښاغلي محب الله صمیم نن له غرمې وروسته په ولسي جرګه کې د کاپیسا ولایت د خلکو له استازې اغلې خدیجې الهام خلیلي سره د خپل کار په دفتر کې وکتل.
په دې کتنه کې اغلې الهام د ولسونو د یووالي، د نظام ملاتړ ته د ولسونو د هڅولو او ملي ارزښتونو او بنسټونو د ساتنې په برخو کې د سرحدونو او قبایلو چارو وزیر ښاغلي صمیم هڅې وستایلې او د هر راز همکاریو ډاډ یې ورکړ.
ورپسې ښاغلي محب الله صمیم په خپلو خبرو کې وویل: چې د خلکو استازي او قومي مشران باید ولسونه د نظام، جمهوریت، ملي ارزښتونو او د تلپاتې اوربند غوښتلو لپاره په یوې واحده لیکه کې سره بسیج کړي، تر څو په هېواد کې نا خوالې پای ته ورسیږي او سوله ټینګه شي.
