په هرات کې یوه ۵۰ کلنه شخړه حل شوه
۱۵/۹/۱۴۴۵ هـ ق
د هرات ولایت په کشک رباط سنګي ولسوالۍ کې د طاهري، اڅکزیو او ملکي قومونو تر منځ د څړځایونو پر سر ۵۰ کلنه روانه شخړه د یاد ولایت د سرحدونو، قومونو او قبایلو چارو رئیس مولوي جمال الدین عمر او د ولایت له لوري د ټاکل شوي پلاوي له لوري د یوې ناستې په ترڅ کې حل شوه، چې د سرحدونو، قومونو او قبایلو چارو رئیس ښاغلي عمر، د نورو اداراتو مسؤلینو، دیني علماوو، قومي مشرانو او د شخړې ښکېلو لورو یې پر مهال حضور درلود.
په پیل کې ښاغلي عمر او د ولایت امنیه قومندان مولوي غلام محمد مزمل د سولې او ورورولۍ د ښېګڼو په اړه خبرې وکړې، ښکيل لورې یې کذشت او یوبل منلو ته راوبلل او وروسته یې زیاته کړه چې څړځایونه د دې سیمې عام المنفعه ځایونه دي ټول قومونه دي په مساوي توګه ورڅخه ګټه واخلي.