په نیمروز ولایت کې د دوو کورنيو ترمنځ پېښه شوې شخړه حل شوه
د نیمروز ولایت مرکز زرنج ښار کې د دوو کورنيو تر منځ پېښه شوې شخړه چې يو تن پکې په قتل رسېدلى و، د ياد ولايت د سرحدونو، قومونو او قبايلو چارو د رئيس الحاج صالح محمد مسافر او ځايي ديني عالمانو، مخورو او قومي مشرانو په هلوځلو دواړه کورنۍ دې ته وهڅولې چې يو بل ته عفوه وکړي او رامنځته شوې ستونزې ته د پاي ټکی کېږدي.
په پاى کې دواړو کورنيو د جرګې له ټولو منځګړو څخه چې د دوی تر منځ يې د يادې ستونزې د حل لپاره نه ستړې کېدونکې هلې ځلې تر سره کړې وې مننه وکړ او يو بل ته غاړه غړۍ شول.
