په مسلکي معینیت کې د یو شمېر مؤسسو په اړه ناسته ترسره شوه
٢٤/٨/١٤٤٥ ھ ق
په یاده ناسته کې د وزارت مسلکي معین مولوي احمد طه قادري، د جرګو او قبایلو چارو د همغږۍ معین مولوي محمد علي جان احمد، د دعوت و ارشاد رئیس مفتي شفیع الله ثاقب، د پلان و پالیسي رئیس مولوي نیک محمد افغاني، د تکنالوجۍ رئیس قاري عبد المتین رحیمزي، رئیس دفتر ملا نیاز محمد تقي، د تدارکاتو رئیس مولوي حسین الله حضور درلود.
په ناسته کې ټولو مسولينو په هېواد کې د خصوصي او خارجي مؤسسو د فعالیت د ارزونې په اړه بيلابيل بحثونه تر سره کړل، ورپسې ښاغلي قادري هم په خپلو خبرو کې زیاته کړه، چې د اسلامي امارت مسولين د اسلامي اصولو او قوانینو په چوکاټ کې د مؤسساتو همکارۍ ته ژمن دي، او له دوی سره به د خپلو کاري استقامتونو له مخې هر ډول همکاري کوي.
