په دیني او عصري زده کړو د نویو ځوانانو سمبالول په اصل کې د اسلامي نظام د بقاء لپاره کار کول دي. مسلکي معين ښاغلى مولوي احمد طه قادري.

mobta-af
پنجشنبه ۱۴۰۲/۳/۱۱ - ۱۴:۲۶
Mobta

پنچشنبه ١٢ ذوالقعدة الحرام ١٤٤٤

د سرحدونو، قومونو او قبایلو چارو وزارت مسلکي معین مولوي احمد طه قادري د ياد وزارت له اړوندو ریاستونو سره د لېدنو کتنو په لړ کې نن د ښوونې او روزنې له رئیس او کارکونکو سره وکتل.

په یاده کتنه کې د ښوونې او روزنې رئیس مولوي عبدالرحمن رحماني، د وزارت اړوند د درې ګونو لېسو آمرینو او نورو کارکوونکو په مرکز او ولایتونو کې د تعلیمي مرکزونو د تدریسي ودانیو او د لیلیې د امکاناتو او اړتیاوو د څرنګوالي په اړه معلومات وړاندې کړل.

Mobta

 دوی په مرکز او ولایتونو کې له تعلیمي مرکزونو څخه څارنه، زده کوونکو ته د څښاک د پاکو اوبو برابرولو، هغوی ته د کانکور چمتوالي پروګرامونو، ښوونکو ته د ظرفیت لوړونې په منظور د سیمینارونو او ورکشاپونو جوړول، په لېسو کې د روغتیایي کلینکونو مجهزول او د ولایتي لېسو د برېښنایي ستونزو د ترمیماتي چارو په اړه وړاندیزونه شریک کړل.

ورپسې مسلکي معین ښاغلي قادري د خپلو مسؤلیتونو په ترسره کېدو ټینګار وکړ او ویې ویل: لکه څرنګه چې خلفاء راشدینو د اسلامي خلافتونو د بقاء او استمرار لپاره خپل مسؤلیتونه په صداقت تر سره کول موږ  هم باید د اسلامي نظام د بقاء او پایښت لپاره خپل مسؤلیتونه هېر نه کړو او ښه په غور یې تر سره کړو، خپل ځوانان په دیني او عصري زده کړو سمبال کړو تر څو په یوه سپېڅلې روحیه د هېواد او ولس د خدمت جوګه شي.

نوموړي زياته کړه چې یادې غوښتنې به د وزارت له مشرتابه سره د حل په موخه شریکې کړې او په دې برخه کې یې د هڅو ژمنه وکړه.

تازه خبرونه

دوشنبه ۱۴۰۴/۷/۲۸ - ۱۵:۳۲
Background image

ارزګان کې دوه کورنۍ له ۱۳ کلنې دښمنۍ وروسته سره پخلاشوې

 

دوشنبه ۲۷ ربيع الثاني ۱۴۴۷

د ياد ولايت د سرحدونو، قومونو او قبايلو چارو آمريت مسؤلينو د دغه ولايت په ترينکوټ ولسوالي کې د دوو کورنيو ترمنځ هغه ۱۳ کلنه دښمني پای ته ورسوله، چې له. . .

دوشنبه ۱۴۰۴/۷/۲۸ - ۱۱:۰
Background image

د هيواد په ۳۴ ولايتونو کې د ولسواليو په سطحه د پيل شويو غونډو دوام

 

دوشنبه ۲۷ ربيع الثاني ۱۴۴۷

د هيواد په ۳۴ ولايتونو کې د ولسواليو په سطحه د پيل شويو غونډو په دوام دا ځل د کاپيسا ولايت په نجراب، د کندهار په مرکز، دامان، ښورابک او خاکريز ولسوالي، د. . .

دوشنبه ۱۴۰۴/۷/۲۸ - ۱۰:۵۶
Background image

په بغلان او بادغيس کې د ولسواليو په کچه ولسي غونډې ترسره شوې

 

پنجشنبه ۲۳ ربيع الثاني ۱۴۴۷

د سرحدونو، قومونو او قبایلو چارو وزارت د پلان سره سم د هيواد په بېلابېلو ولایتونو کې له ولسي خلکو سره د ولسي یووالي او ستونزو د اوريدو په موخه د پيل. . .

BACK TO NEWS

User account menu