په تخار ولايت کې له يو شمير قومي مشرانو، او د امو سيند له تخريبات څخه لیدنه تر سره شوه
پنچ شنبه ٢٩ شعبان المعظم ١٤٤٤
د تخار ولايت د سرحدونو، قومونو او قبایلو چارو رئيس مولوي احمدالله تالقاني د ياد ولايت بېلابېلو ولسواليو ته د خپل رسمي سفر په ترڅ کې له یو شمیر قومي مشرانو او د امو سيند له تخريباتو څخه له نيږدې ليدنه تر سره کړه. قومي مشرانو د خپلې سيمې اړوند ځيني ستونزې او د يادو ولسواليو د خلکو د اساسي غوښتنو ترڅنگ د څړ ځاينو پر سر را ولاړ شوي مشکلات هم شريکې کړل. ښاغلي تالقان له دوئ سره د ستونزو په هوارولو کې د هر راز همکارۍ ډاډ ورکړ. ښاغلي احمدالله تالقاني يادو ولسواليو ته د خپل رسمي سفر په اوږدو کې د کوچيانو له څړ ځاينو او د آمو سیند له تخريباتو څخه هم ليدنه وکړه د دې د لیدنې پر مهال يې له ځايې اوسيدونکو سره په خپلو خبرو کې وویل چې د تخار ولایت دشت قلعه، در قد، ينکى قلعه او چا اب ولسوالۍ چی د تاجکستان هېواد سره ګډې پولې لرې او امو سیند په يادو سيمو کې په سل هاو جریبه زراعتی ځمکې، ځنګلونه او څړځايونه تخریب کړی چې د دې تخریباتو د مخنیوي په پار د اسلامي امارت له لورى اساسي پلانونه نیول شوي تر څو د آمو سيند په اوږدو کې د تخريباتو د مخنيوي لپاره قوي تحکيمات جوړ شی او د ځمکو د تخريب مخه ونيول شي.
