په ارزګان ولایت کې دوولس کلنه شخړه هواره شوه
١٤/٨/١٤٤٥ ھ ق
د سرحدونو، قومونو او قبایلو چارو آمر ملا عبد الهادي "حاجي امین" د ارزګان ولایت د چورې ولسولۍ په آبي علیا سیمه کې د دوو کورنیو تر منځ د قتل شخړه د سولې له لارې هواره کړه.
یاده شخړه چې د یوې کورنۍ دوه کسه پکې وژل شوي وو او دوولس کاله یې دوام کړی وو چې د یاد آمریت په هلو ځلو د قومي مشرانو او دیني علماء کرامو په منځګړیتوب په دوستي بدله شوه.
د یاد آمریت آمر ښاغلي حاجي امین په موضوع کې ښکېل دواړه طرفونه سولې ته راوبلل او د سولې د فضایلو بیانولو تر څنګ یې پکې د دواړو لورو خیر وباله، چې د حاضرینو په مخ کې دواړو لورو سوله وکړه او شخړه حل شوه.
