ننګرهار کې ۳۵ کلنه شخړه او لغمان کې يو کلنه بدی د مسؤلينو په هڅو پای ته ورسېده
دړشنبه ٢٨ شعبان المعظم ۱۴۴۷ د ننګرهار ولايت په پچير اګام ولسوالي کې د دوو کورنيو ترمنځ د شاوخوا ۳۵ کلونو په دوام اوږدمهاله شخړه.د دغه ولايت د سرحدونو، قومونو او قبايلو چارو رياست رئيس الحافظ رحمت الله غازي عمر په مشري د قومي مشرانو او علماء کرامو په دوامدارو هڅو داسې مهال پای ته ورسېده، چې د روغې جوړې لپاره يوه لويه جرګه را بلل شوې وه.ديادې اوږدمهالې شخړې په پايله کې له دواړو لوريو څخه دوه تنه وژل شوي، څلور تنه ټپيان شوي او د دښمني ژورې رېښې يې ترمنځ موجودې وې، چې د ا.ا مسؤلينو په خپل منځګړيتوب پای ته ورسولې. يادو میؤلينو له خلکو وغوښتل، چې د تربګنۍ او ناخوالو پرځای په سوله،يووالي او ورورولي کې ژوند ترسره کړي.همدارنګه د لغمان ولايت د سرحدونو، قومونو او قبايلو چارو آمريت مسؤلينو د سيمه ييزو مشرانو په ملتيا د دغه ولايت په اليشنګ ولسوالي کې د دوو کورنيو ترمنځ د تېر يوه کال راهيسې هغه پېښه شوې شخړه حل کړه ، چې د يوې مېرمنې پر سر راپورته شوې وه او ګڼې خپلمنځي ستونزې يې ترمنځ را پارولې وې.
