ننګرهار کې دوو کورنيو له ۹ کلنې دښمني لاس واخيست
سه شنبه ۱۸ صفرالمظفر ۱۴۴۷ د ننګرهار ولايت د سرحدونو، قومونو او قبايلو چارو رياست استازو په دوامداره هڅو او د قومي مشرانو په منځګړيتوب په دغه ولايت کې د دوو کورنيو ترمنځ د ۹ کلنې دښمني روغه جوړه وشوه.د دغه دښمني په پايله کې د ګڼو مالي تاوانونو برسېره يوتن وژل شوی او يوبل تن پکې سخت ټپي شوی و، چې د دواړو خواوو ترمنځ يې لوي ستونزې ايجاد کړي وي.مسؤلينو د يادو ښکېلو طرفونو ترمنځ د سولې په عادلانه فيصلې کولو سره هغوی له دښمني راوګرځول او يو بل ته په بښنې کولو سره يې د خوښي ژوند پيل کړ. د دواړو لوريو مشرانو د اسلامي امارت د هڅو قدرداني وکړه، چې په وينا يې د دغه دښمني په هوارولو کې يې نه ستړي کېدونکي هلې ځلې وکړې.
