له قومي مشرانو او دولتي چارواکو سره کتنه!
د سرحدونو او قبایلو چارو وزیر ښاغلي محب الله صمیم نن له غرمې مخکې له یو شمېر قومي مشرانو او دولتي چارواکو سره د خپل کار په دفتر کې وکتل.
د کتنې په پیل کې راغلو مشرانو سرحدونو او قبایلو چارو وزارت ته ښاغلی صمیم وړ شخص وباله وې ویل: موږ باور لرو، چې د قومي او ولسي شخصیت په توګه به د قومونو په انسجام او یووالي کې رغنده رول ولوبولی شي.
دغه راز مشرانو له ښاغلي محب الله صمیم سره یو لړ سیمه ییزې ستونزې هم د حل په موخه شرېکې کړې.
ورپسې ښاغلي محب الله صمیم د یادو مشرانو ستونزې پر ځای وبللې له امکاناتو سره سم یې د حل د لارو چارو ژمنه وکړه، وې ویل: چې ستاسو مشرانو تجربې کولای شي له موږ سره د چارو پر مخ بیولو کې مرسته وکړي.
