زابلي نوښتګر ځوان د سرحدونو او قبایلو چارو محترم وزیر ته د نوموړي انځور ډالۍ کړ!
د یادولو وړ ده، چې د عکس ځانګړنې او کار شوي سمبولونه د ښاغلي محمد شفیق ګل آغا شېرزي له شخصیت او کړونو سره برابري، د سولې، امن او بیا رغونې پیغام له ځان سره لري چې دا له خپلو مشرانو سره د ځوانانو مینه او لېوالتیا ښيې.
همدا راز نوموړو ځوانانو د سرحدونو او قبایلو چارو وزارت له مشرتابه څخه مننه وکړه، چې د ناامنو سیمو ځوانانو ته یې د وزارت په اړوندو لېسو کې د زده کړې زمینه برابره کړي ده.
ښاغلي شېرزي د نوموړي ځوان مهارت او وړتیا د ستاینې او قدر دانې وړ وبلله مننه یې ترې څرګنده کړه او د صداقت په ګډون یې د ټولو ځوانانو د بریا هیله وکړه.
ځوانان یې د پوهې او علم تر لاسه کولو ته وهڅول.
