د یوسفزیو قوم سرتاسري شورا له مشر او غړو سره کتنه!
د سرحدونو او قبایلو چارو وزیر ښاغلی محب الله صمیم نن له غرمې مخکې د یوسفزیو قوم سرتاسري شورا له مشر ښاغلي حاجی عبدالاکبر یوسفزي او یو شمېر غړو سره د خپل کار په دفتر کې وکتل.
په یاده کتنه کې د سولې په ټینګښت، د قومونو په یووالي او انسجام کې د قومي مشرانو او شوراګانو په ونډې او ارزښت خبرې وشوې.
ښاغلی صمیم وویل: چې تلپاتې سوله او ملي یووالی د هر وخت اړتیا ده او د هېواد پرمختګ او د خلکو هوساینه له دې پرته ناشونې ده، همدا راز د قومونو انسجام، یووالی او تلپاتې سولې ټینګښت لپاره ګډ کار زموږ لومړیتوب دی.
دغه راز د یوسفزیو شورا مشر او غړو له جمهوري نظام، ملي امنیتي او دفاعي ځواکونو او د سولې په خبرو کې، د لاسته راوړنو له ساتلو څخه ملاتړ وکړ، وزارت ته یې په یادو برخو کې د هر ډول ه همکاریو ډاډ ورکړ.
