د کندز ولایت په چرخ آب سیمه کې د دوو کورنیو ترمنځ شخړه حل شوه
شخړه د میراث له امله د دوو کورنیو ترمنځ له ډېرې مودې راهېسې د کندز ولایت چرخ آب سیمه کې رامنځته شوې وه، چې د یاد ولایت د سرحدونو، قومونو او قبایلو چارو ریاست په همکار او د قومي مشرانو په منځګړیتوب او هڅو حل او د دواړو کورنیو تر منځ د پخلاینې لامل شوه. د شخړې د حل په مناسبت په جوړه شوې ناسته کې د یاد ولایت د سرحدونو قومونو او قبایلو چارو ریاست په استازولۍ د جرګو عمومي مدیر قاري حمیدالله احمدي، دیني عالمانو، قومي مشرانو او ځوانانو حضور درلود یو شمېر مشرانو د شخړو د زیانونو او دغه راز د پخلاینې او بښنې پر ارزښت خبرې وکړې، چې په پایله کې یې ښکیل لوري قانع شول او یو بل ته بښنه وکړه.
