د کلنیو اجرااتو ارزونه وشوه!
د وزارت یو شمېر رئيسانو او سلاکارانو هر یو د ښوونې او روزنې رئیس، مالي او حسابي رئيس، حقوقي سلاکار او د سرحدي څېړنو سلاکار د کړنو کلنۍ ارزونه نن پنجشنبې د روان لمریز کال د لړم میاشتې پر لومړۍ نېټه د سرحدونو او قبایلو چارو سرپرست او نوماند وزیر ښاغلي محب الله صمیم، اړوندو معینانو او د اداري اصلاحاتو او ملکي خدمتونو د خپلواک کمېسیون استازي طاهر بلال له خوا ترسره شوه.
د ارزونې پر مهال ښاغلي محب الله صمیم وویل: چې د کارکوونکو د اجرااتو کلنۍ ارزونه اړینه ده، ځکه په دې سره په چارو کې خوځښت او نوښت رامنځته کیږي او خپلو راتلونکو دندو ته ځير کیږي.
